Ráðumst gegn stórglæpamönnunum á nýju ári

Gefum þeim engin grið, útskúfum þeim, hirðum af þeim allt laust og fast, komum þeim undir lás og slá. Þetta verður verkefni ársins 2010. Þetta er áramóatboðskapurinn.

Riddarar ömurleikans

Hvers vegna þyrma yfir mig óendanleg leiðindi þegar milljarðamæringar í stjórnarandstöðu, Bjarni Benediktsson og Sigmundur Davíð taka til máls á Alþingi árið 2009. Hvað varðar þá um um afkomu annarra sem ekki sitja í sömu gullskeið og þeir sjálfir ?

Gögnum ekki haldið frá þinginu

Ruslpóstur

Þingmenn standa á öndinni yfir tölvupósti sem hefur borist þeim í stríðum straumi í dag frá einhverjum gaurum á lögfræðiskrifstofu í Bretlandi. Lögfræðingarnir eru sennilega orðnir nokkuð hífaður eftir bjórkrúsirnar og eru að atast í vesalings þingmönnunum okkar og hafa gaman af. Nú svo er hinn möguleikinn fyrir hendi að hér sé á ferðinni snjall hakkari sem þess vegna gæti verið með aðsetur í Hádegismóum

Búnir að fá tölvupóstana

Öreigarnir

Smælingjarnir við Eyjafjörð fordæma aðförina miklu að sérréttindum sínum svona rétt fyrir Jól. Það heyrist hins vegar ekkert frá öryrkjum og öldruðum sem lepja dauða úr bláskel en víkingarnir miklu á feitum launum vilja meira og sérréttindi umfram aðra.

Eyfirðingar fordæma afnám sjómannaafsláttar

Maður ársins

Á sínum tíma valdi Time tímaritið Adolf Hitler mann ársins. Að þessu sinni ættum við að velja einhvern sem getur borið titilinn, viðurstyggilegasti Íslendingur ársins. Að sjálfsögðu verður það einhver úr hópi útrásarböðlanna sem í græðgi sinni og siðblindu ýttu þjóðinni fram af hengifluginu. Við getum þess vegna valið allan hópinn. Síðan skulu þeir útskúfaðir verða að eilífu úr íslensku samfélgi eftir að hafa hlotnast þessi heiðurstitill

Heimsmeistaraþjóðin

Eins og alltaf, stærst, best og gáfuðust. Hin eina og sanna montrassaþjóð sigrar á öllum skölum, alltaf. Og nú þurfum við ekkert að vera að röfla um höfðatölu. Verum stollt.

Skuldugasta þjóð á byggðu bóli

Burt með Álfheiði

Björn Zoëga forstjóri LSH er ekki bjartsýnn eftir aðra umræðu um fjárlög og það með réttu. Spítalinn fær enga leiðréttingu vegna gengisáhrifa á meðan á fjölmörgum stöðum í stjórnkerfinu er þetta leiðrétt. Stendur öllum á sama um framtíð spítalans? Hefur ráðherrann engan áhuga á sínum málaflokki, nennir hún ekki að sinna starfi sínu, eða er hún enn í draumheimi fyrir utan lögreglustöðina ? Heilbrigðiskerfið þarf annan ráðherra en Álfheiði Ingadóttur og það strax. Þesi kona ætlar að rústa LSH.

Fréttabomba Moggans

"Sveitarfélagið Garður keypti í dag kirkjujörðina Útskála af Kirkjumálasjóði". Afsakið ég er alveg að sofna.

Garður kaupir Útskálajörðina

Samfylkingin opnar faðminn

fyrir einum stærsta myrkarhöfðingja útrásarinnar, sem skildi eftir sig óbærilegan skuldaklafa á þjóðinni vegna IceSafe ruglsins. Sjálfan Björgólf Thor Björgólfsson. Það á að greiða götur hans vegna gagnavers á Suðurnesjum. Ég hélt að það væri ekki hægt að leggjast svona lágt. Þennan mann verður að útskúfa frá öllum viðskiptum eða starfsemi á Íslandi. Þetta er eins og að bjóða bankaræningja stöðu bankastjóra.

Sveitarfélag hvað ?

Lítill tangi með Bessastöðum og nokkrum húsum, en svo þarf auðvitað að byggja íþróttamannvirki fyrir milljarða og enginn skilur upp né niður í hvernig peningar geta gufað upp í vitleysu. Leysið þetta s.k. sveitarfélag upp og þeir sem titla sig sem stjórnendur eiga að sæta rannsókn fyrir embættisafglöp.

Óvissa á Álftanesi