Er ég tryggður hjá glæpafyrirtæki?

Til langs tíma var Sjóvá rekið sem hefðbundið tryggingafyrirtæki. Síðan komust myrkrahöfðingjar útrásarinnar með græðgiskrumlurnar í félagið og breyttu því vogunarsjóð. Á sama tíma var ég grandalaus að að borga iðgjöldin samviskusamlega, í eitthvað sýndarfyrirtæki. Traust mitt á þessu s.k. tryggingafélagi er horfið. Ábendingar um tryggingafélög með hreinan skjöld, ef þau eru til, eru vel þegnar.

Mál Milestone og Sjóvár til rannsóknar

Keyrum þá í þrot

Fjárglæframennirnir Ágúst og Lýður Guðmundssynir, eru með einbeittum vilja í græðgi sinni, að takast að keyra Bakkavör í þrot. Verði þeim að góðu. Það þarf að hreinsa burt ósómann. Keyrum þá bara í persónulegt gjaldþrot. Þessir myrkrahöfingjar mega aldrei koma nálægt viðskiptum framar.

Bakkavör í vanskilum

Þar fór það

Þegar jepparnir koma urrandi inn á tjaldstæðin upp úr miðnætti og byrjað að grilla upp úr klukkan tvö, meðan hrópin bergmála í næturblíðunni, "Gumme hvar er bjórinn !!" Held að ég verði bara í 101 Reykjavík, á svölunum.

90% Íslendinga ætla að ferðast innanlands

Sáttur við 32 milljarða króna tap

Ofurlaunaforstjórinn á Cadilac jeppanum, Þorgeir Eyjólfsson, er hættur störfum. Segist vera harla ánægður með störf sín. Í starfi sínu sem forstjóri Lífeyrissjóðs Verlsunarmanna í fyrra, tókst honum að skila sjóðnum með 32 milljarða króna tapi. Ef þetta hefði nú verið prívat hannyrðaverslun gaursins, þá væri ekki mikið hægt að segja. En hann var að gambla með sparifé almennings.

Forstjóri Lífeyrissjóðs verzlunarmanna segir upp störfum

Við þekkjum nöfn þeirra

Þetta voru ekki náttúruhamfarir. Það voru á fimmta tug einstaklinga sem með einbeittum brotavilja steyptu þjóðinni ofan í hyldýpið. Við skulum leggja nöfn þeirra á minnið og gefa þeim hvergi grið. Á meðan þeir gera ekki upp skuldir sínar við þjóðina skulu þeir útskúfaðir vera.

Mesta fjármálaáfallið í 35 ár

Orlofsferð húsmæðra

Engin fjárhagsvandamál hjá útrásarkerlingum þeirra Hreiðars Más, Bakkabræðra og Sigurðar Einarssonar. Smelltu sér í 5 daga orlofsferð til borgarinnar Muscat í Óman. Húsmæðurnar kalla hópinn kampavínsklúbbinn svona til að leggja áherslu á flottræfilsháttinn. Sólarhringsdvöl á Chedi hótelinu kostar 160 þúsund krónur. Án aðstoðar eigna -og atvinnulausra á Íslandi hefðu þær væntanlega þurft að láta sér nægja helgarferð til Færeyja.

Nú má skríllinn vera með

Alveg er þetta makalaust með þennan Bjarna Ben. Vikum saman hamaðist hann gegn stjórnarskrárfrumvarpinu, vegna þess að hann vildi ekki að almúginn kæmist með puttana í hinn heilaga valdapott þingsins. Nú má skríllinn hins vegar skoða frumvörp, sem enn er ekki búið að semja. Er þetta ekki örugglega sami maðurinn?

Ekki hvíli leynd yfir samkomulagi stjórnarflokka um ESB

Framsókn komin í tilvistarkreppu ?

Á mínum vinnustað eru við að skipta um herbergi mörgum sinnum á dag vegna mis mikils álags hverju sinni. Svo þarf maður að hlusta á þetta jarm Framsóknarmanna upp úr bólstruðum lenistólunum. Þingverðir, dröslið þeim út.

Vilja ekki flytja

Rauði herinn sigraði

Ég neyddi sjálfan mig til að horfa á þennan tónlistarlega hrylling frá upphafi til enda. Í mínum huga var það kór rauða hersins sem kom, sá og sigraði. Skrítið að hann skildi ekki komast í úrslit. En eftir alla þessa þolraun varð ég að innbyrða geðdeyfðarlyf í tónlistarformi, og byrjaði með nokkrar Metallica slagara sem hvergi dugðu til að ná mér upp. Það var ekki fyrr en ég hafði innbyrt megaskammt af svæsnustu lögum Tom Waits, að ég fór að taka gleði mína á ný. Þar var komið mótefni sem dugði. Sleppi laugardeginum alveg.

Mikil ánægja með úrslitin

Það gefur auga leið

að maður sem ekki þvær sér í 35 ár eignast hvorki stúlku eða strák og örugglega ekki konu til að fæða þau.

Forðast bað í 35 ár í von um að eignast þá son