Kynlífsveira

21 greindist með kynlífsfíkn á sjúkrahúsinu á síðasta ári.  Hvað er nú þetta er fólk sem er hugsanlega með áhuga á kynlífi lagt inn á sjúkrahús og jafnvel haldið sofandi í öndunarvél ?

Kynlífsfíklum fjölgar

Morgunblaðið finnur sökudólgana

Ég ætla ekki að mæla því bót á nokkurn hátt, að fólk misnoti kerfið. En óneitanlega er þetta furðuleg áhersla í forystugrein Morgunblaðsins á 1. maí. Hvers vegna notaði blaðið ekki tækifærið og réðst harkalega að þeim sem gerðu það verkum að einstaklingar þurftu að fara á atvinnuleysisbætur yfir höfuð. Er það ekki útrásarskríllinn sem neyddi fólk út í atvinnuleysi? Hann virðist nú vera búinn að fá skjól á síðum Morgunblaðsins. Eru nú áherslur nýrra eigenda loksins að koma í ljós? Áskriftin að blaðinu er til endurskoðunar hjá mér.

Bæturnar misnotaðar

Borga eða ekki borga

Greiðsluverkfall getur verið tvíeggjað sverð. Það er skiljanlegt þegar fólk er komið í þrot og hefur enga aðra leið. En svo er mikið er víst að þegar um venjulegt fólk er að ræða sem skuldar vegna húsnæðis, verður það hundelt í það óendanlega. Annað gildir um stórskuldara sem tengjast einhvers konar viðskiptum. Þeirra skuldir eru einfaldlega feldar niður eins og dæmin sanna.

Margir íhuga greiðsluverkfall

Nú hlýtur stundin að vera að renna upp

Við heimtum að fá nöfn birt, nöfn þeirra sem gerðu þjóðina gjladþrota. Engin miskunn. Fram með handjárnin og dröslum þessu pakki úr holunum sínum.

Rannsaka félög í skattaskjólum

Hvers vegna er ekkert gert ?

Hvers vegna er fólk að missa vinnuna? hvers vegna er fólk að missa húsin sín? hvers vegna eru ekki lán afskrifuð? Þessar spurningar les maður á hverjum degi. Það er eins og stór hluti þjóðarinnar hafi ekki enn áttað sig á að Ísland er rjúkandi brunarúst. Hér er ekki til ein króna með gati. Fjárglæframenn hirtu allan auð þjóðarinnar og kom honum í skjól. Samt virðast margir halda að hér séu enn gullkistur í þúsunda tali sem stjórnvöld af hreinni mannvonsku vilja ekki opna.

Skuggalegt

Grímuklædd ungmenni í kröfugöngu, jæja nú fá smáborgararnir hland fyrir hjartað. Koma svo sérsveitin.

Kröfugangan lögð af stað

Áfall fyrir hvern?

Þá er búið að keyra enn eitt loftbólufélagið í þrot og það er ánægjulegt. Fjárglæframaðurinn Pálmi Haraldsson ber sig illa og segir þetta vera mikið áfall. Svo mikið er víst að þetta er ekki áfall fyrir hann persónulega. Hann hefur væntanlega séð til þess að hann sjálfur muni aldrei skorta neitt persónulega. Aðrir munu borga brúsann eins og að var stefnt. Það eru gaurar eins hann sem keyra verður í þrot og banna um alla eilífð aðkoma að viðskiptum.

Fons í gjaldþrot