Er Finnur þarna ?

Mér skilst að það sé verið að safna í púkk til að kaupa Haga. Ekki fæst uppgefið hverjir milljarðamennirnir á bak við þennan Franklín eru. Ef þeir kumpánar Finnur Ingólfsson og Ólafur Ólafsson eru þarna komnir með gírugar og óseðjandi krumlurnar í málið, þá mun ég heldur versla í nýlenduvöruverslun Lúsífers.

Athugasemdir

[Eygló, 17.11.2009 kl. 02:34]

Er ekki Ingólfsson allstaðar, eins og skítalyktin?

Hvað var það aftur sem GFJ gerði hérna um árið, sem setti ýmislegt í háaloft?  Það var ekki fyrirlestur á kærleiksheimilinu allavega. Man það bara ekki hvað.

Ekki líst mér vel á kauða, en það er líka EKTA FORDÓMUR vegna þess að ég veit fjandann ekki neitt um greyið, kannski er hann einn allraheilagra, - en of gleiðgosalegur að  mínu mati.

[Hildur Helga Sigurðardóttir, 17.11.2009 kl. 06:11]

Etthvað hljómar gleiðgosalýsingin kunnuglega, vantar bara teinótt jakkaföt og gyllt bindi...

Nei annars, auðv. hlýtur þetta að vera góður hópur stálheiðarlegra og traustra fjárfesta.

Hvaðan kemur eiginlega þessi tortryggni ?

[Finnur Bárðarson, 17.11.2009 kl. 17:32]

Jú hann er alls staðar þar sem von er á fé Eygló.

Hildur: Já þessi tortryggni mín er örugglega einhvers konar sturlun :) Bar orðin "íslenskir auðmenn" vekja upp einhver skrítin einkenni hjá mér.

[Eygló, 17.11.2009 kl. 20:32]

Helga og Finnur, og ég spurði geðlækninn minn hvort eitthvað væri til við þessum óþægindum gagnvart öllum þessum orðum. Nei, því miður, en þú getur látið svæfa þig.

Í samtali okkar kom líka fram að það myndi spara þjóðinni milljarða ef Björn Bjarnason og hans líkir, tækju t.d. cipralex (ekki grín). Hann væri með ótta-, kvíða- og ofsóknarkennd. Þótt lyfin væru rándýr þá spöruðu þau þannig samt herþotur, virki, girðingar, vopn og varnir.... Cipralex á kallinn