Það glittir í járnglófana

Það er greinilegt að yfirvöld eru farin að sjá, að það dugar lítið að strjúka fjárglæframönnum með silkihönskum. Það er farið að glitta í járnglófana þegar  Jóhannes Rúnar Jóhannsson lögmaður, sem á sæti í skilanefnd Kaupþings segir: „Skilanefnd Kaupþings mun elta peninga bankans hvar sem þá er að finna, hvort sem þeir hafa farið í gegnum aflandsfélög eða ekki. Þá skiptir ekki máli hver á í hlut.“ Svona á tala um hlutina, tæpitungulaust.

Munu elta peninga bankans

Athugasemdir

[Offari, 18.5.2009 kl. 15:10]

Flott er nú leggjum við niður silkihanskana og tökum á með beittum klóm.

[Finnur Bárðarson, 18.5.2009 kl. 15:13]

Já Offari engin vettlingatök lengur. Þessi lögmaður þorir að tala mannamál, sjaldgæft í þessari stétt.

[Axel Jóhann Hallgrímsson, 18.5.2009 kl. 16:27]

Er hann ekki líka, eða öllu heldur, að segja að enginn viðskiptavinur gamla Kaupþings, sé svo smár eða aumur að bankinn muni framhjá honum líta.

[Finnur Bárðarson, 18.5.2009 kl. 16:30]

Hafði ekki pælt í því, en þeir eru nú á höttunum efir Djengis Kahn og það líkar mér.

[Axel Jóhann Hallgrímsson, 18.5.2009 kl. 17:54]

Það er vonandi raunin Finnur.

Það verður aldrei sátt á Fróni ef efnahagsræningjarnir verða ekki látnir sæta ábyrgð.

Finnur þú segir á prófílnum þínum að þú sért kattavinur. Datt í hug að benda þér á myndir sem ég var að setja inn á myndasíðuna mína. Þær eru í minningu Ólafs Ragnars (1996 - 2007) Hans er sárt saknað.

Þetta er slóðin.

[Vigdís Ágústsdóttir (IP-tala skráð) 18.5.2009 kl. 20:36]

Finnur minn !. Svo að ég segi mína meiningu, það þarf að lúskra almennilega á þessu helvítis fjármálahyski, og ná öllum stuldi  af þeim líka.  Síðan eiga þeir að vera gerðir landrækir, og ekki dirfast að láta sjá sig á Fróni aftur. 

[Guðmundur Óli Scheving, 18.5.2009 kl. 22:40]

Sæll Finnur.

Því miður treysti ég ekki þessum skilanefndum SUS klíkunar sem Sjálfstæðisflokkurinn kom á koppinn.

Þeir ætla ekki að ná einu eða neinu...bara froðusnakk

[Alma Jenny Guðmundsdóttir, 19.5.2009 kl. 00:18]

Það er vonandi að þetta viti á gott !

Það vill þannig til að nokkrir af þessum glæpamönnum búa í sama hverfi og ég hér í Rvk., og sé ég þá því stundum í hverfisbúðinni minni.  Kjartan Gunnarsson er einn af þeim - komist ég í nálægð við hann hef ég það fyrir vana að líta í augun á honum og setja upp fyrirlitningarsvip - sem mínir nánustu segja að ég sé sérfræðingur í - kallinn er farinn að snúa sér undan þessum svipbrigðum mínum.

Þeir lykta !

[Guðrún Emilía Guðnadóttir, 19.5.2009 kl. 08:33]

Vitið að ég er svo græn, sko ekki framsóknargræn, heldur bara græn að ég tel að þetta sé einn stór leikaraskapur, þeir þurfa að gera eitthvað, en mest að verja sjálfan sig, við fáum aldrei sannleikann á borðið, þeir munu hringsnúast í þessum málum þar til við erum komin með heilahristing.

[Rut Sumarliðadóttir, 19.5.2009 kl. 10:52]

Komið nóg af snakki um að gera eitthvað í að ná í peningana sem eru þarna einhversstaðar. (Kannski faldir í kampavínsklúbbum í Óman?) Við erum búin að heyra þetta frá hruni. Nú væri gott að fá verk í stað orða.

[Finnur Bárðarson, 19.5.2009 kl. 13:04]

Axel: Takk fyrir slóðina. Frábært. Annars sýnist mér að flestir séu svartsýnir eins og Guðmundur Óli og Milla, að eitthvað verði aðhafst. Alma: Þannig er að hægt að sýna viðhorf sitt án þess að berja manninn og það er gott. Kanski er maður bara svona bláeygur. En ég kýs nú að halda í vonina eins og Rut.

[Guðrún Emilía Guðnadóttir, 19.5.2009 kl. 15:18]

Finnur minn það hefur bara alltaf verið þannig, því miður, allt of margir burgeisar í hættu svo málin eru toguð og teygð þar til að.
Bara mín einlæga og vissa skoðun, en við sjáum til.

[Finnur Bárðarson, 19.5.2009 kl. 17:31]

Milla: Þú segir það sem ég vil ekki trúa en sennilega hefur þú lög að mæla,

[Finnur Bárðarson, 19.5.2009 kl. 17:38]

Baldur: Tókst þér að klemma inn nokkrar ballöður með Tom Waits í trássi við bann spúsu ? Þessi norsari var hryllingur.