Ömurlegasti þáttur hrunsins

er hafinn á Alþingi. Gamla ömurlega leikritið endurtekið, skotgrafirnar yfirfullar. Frá þessu leikhúsi og með þessum leikendum mun ekkert jákvætt koma. Alþingi götunnar þarf að taka við stjórn.

Dýrkeypt samfélagstilraun

Athugasemdir

[Hörður B Hjartarson, 12.4.2010 kl. 16:10]

    Mæl þú manna heilastur , eru litlu börnin í sandkassanum byrjuð?

[Þórarinn Þ Gíslason (IP-tala skráð) 12.4.2010 kl. 16:29]

Sæll Finnur.

Ég er innilega sammála.

Og ég slökkti á IMBAKASSANUM, þetta var of mikið fyrir mig.

Kveðja

[Finnur Bárðarson, 12.4.2010 kl. 16:36]

Ég slökkti þegar Sigmundur var hálfnaður. Var eins og að hlusta á gramófónsplötu sem maður er búinn að fá ógeð á.

[Axel Jóhann Hallgrímsson, 12.4.2010 kl. 18:12]

Ég var að renna yfir bloggin og sá ákveðið mynstur. Það er að Björgvin eigi að segja af sér. Þá sé af sviðinu horfinn sökudólgurinn með stórum staf. Alþingi verði á eftir ný skúrað og skrúbbað.

Þvílík blinda og afneitun. Auðvitað á Björgvin að segja af sér þingmennsku. En hann er aðeins einn af mörgum sem það þurfa að gera. Ef menn ætla aðeins að horfa á þetta í gegnum flokkgleraugun, mun ekkert breytast.

Áfallið, þjáningarnar, fórnirnar verða án lærdóms og til lítils færðar.

[Finnur Bárðarson, 12.4.2010 kl. 19:11]

Rétt hjá þér Axel, en bloggið er nú þegar komið á þetta stig. Reyndar á ég engin flokksgleraugu sjálfur og hef aldrei haft. Nú reyna menn að finna einn blóraböggul til að hvítþvo hina.

[Axel Jóhann Hallgrímsson, 12.4.2010 kl. 20:57]

Ég hef aldrei farið leynt með mínar stjórnmálaskoðanir. Ég var flokksbundinn í Samfylkingunni, studdi Ingibjörgu gegn Össuri, soglegt eftir á að hyggja. Ég hef harla lítið álit á henni núna og hef ekki farið leynt með það sé bloggið mitt skoðað. Hvarflar ekki að mér að reyna að verja hana.

Þegar Ingibjörg lagði sig og Samfylkinguna undir íhaldið á Þingvöllum sagði ég mig úr flokknum með tölvupósti um leið og það hafði verið tilkynnt.

Ég hef ekki hikað við að gagnrýna það sem ég tel gagnrýnivert í fari minna manna og ekki samrýmist mínum tilfinningum og skoðunum.  Rétt í mínum huga hættir ekki að vera það þótt flokkurinn ákveði annað á þingflokksfundi.

Það er sorglegt hve margir ætla að meta og vinna úr skýrslunni eingöngu út frá flokkshagsmunum.

Hvort Samfylkingin sem slík lifir eða deyr í því uppgjöri sem framundan er skiptir ekki máli. Jafnaðarstefnan mun lifa áfram þótt formið kunni að vera annað í endurreisninni.

Það mun íhaldið og fasisminn líka gera svo og allir vinstrisinnarnir og að ógleymdum miðjumanninum Jóni Val Jenssyni.

[Finnur Bárðarson, 12.4.2010 kl. 21:34]

Axel þetta er megafærsla en ekki athugasemd, en mögnuð

[Axel Jóhann Hallgrímsson, 12.4.2010 kl. 22:25]

Ég ákvað að gera þessa trúarjátningu mína að sérstæðri færslu.