Leitað á eignarhaldsheimilum

Einn skuggalegasti gamblarinn meðal fjárglæframanna útrásarinnar, Hannes Smárason, sætir nú húsrannsókn vegna, hugsanlegra, mögulegra, ekki ólíklegra eða jafnvel líklegra grunsemda um skattalagabrot. Hvar var leitað: Jú á heimilum hans að Fjölnisvegi 9 og 11 (dugar ekkert minna en tvær hallir fyrir slíkan athafnamann) en hann hefur skilgreint heimili sín sem eignarhaldsfélög. Ekki fylgir sögunni hvort einkaþjónar Hannesar voru einir heima eins og þegar húsleit var gerð hjá Ólafi Ólafssyni hér um daginn. Það vekur veika von þegar farið er að drösla þessum gaurum fram úr skúmaskotum sínum, fram í dagsljósið.

Efnahagsbrotadeild með húsleitir

Erum við virkilega ekki best í öllu?

Jæja þá er enn ein ímyndarkreppan í uppsiglingu. Það er nefnilega komið á daginn að Ísland er ekki lengur friðsælast í heimi. Við erum í 4. sæti. Það verður hið snarasta að fara í kynningarherferð til að bjarga minnimáttarkennd landans sem nú hlýtur að vera komin niður fyrir alla mælanlega kvarða.

Ísland ekki lengur friðsælast