Uppvakningur

Þá er Davíð um það bil að tylla sér í ritstjórastólinn. Blaðið verður ómengað málgagn Sjálfstæðisflokksins á ný. Sem áskrifandi að Morgunblaðinu til margra ára hugnast mér lítt að hafa geðstirðan og aldagamlan uppvakning flatmagandi á eldhúsborðinu mínu þegar ég er að fá mér morgunkaffið. Tími notalegra skrjáfsins þegar að dagblaði er flett er liðinn. Kanski maður grípi bara ljóðabók í staðinn til að auðga andann.

Uppsagnir hjá Árvakri

Athugasemdir

[Jón Snæbjörnsson, 24.9.2009 kl. 15:48]

á sumum skemmtiferðaskipum eru tveir kapteinar - annar sem navigeitar og hinn sem skemmtir - svona party "captain" tja bara að velta þessu fyrir mér

[hilmar jónsson, 24.9.2009 kl. 15:49]

Meira að segja lögbirtingablaðið verður notalegra í lestri en mbl eftir hreinsun....

[Finnur Bárðarson, 24.9.2009 kl. 15:51]

Ég held ég skilji hvað þú ert að fara Jón.:) En ekki langar mig í Tímann, Þjóðviljann eða Alþýðublaðið aftur. Guð minn almáttugur. Nei nú verða það fagurbókmenntir á mínu borði.

[Finnur Bárðarson, 24.9.2009 kl. 15:52]

Þú segir nokkuð Hilmar:), ja jafnvel símaskráin gæti dugað í hallæri.

[Axel Jóhann Axelsson, 24.9.2009 kl. 16:02]

Mogginn verður skyldulesning, ef Davíð verður ritstjóri.  Þá verður blaðið aftur þungaviktarmiðill, eins og það var á gullaldarárum Matthíasar og Styrmis.

Það hefur heldur dalað, síðan Styrmir fór, enda orðið áróðursmálgagn ESB dýrkenda.  Það breytist vonandi núna, með nýjum ritstjóra.

[Axel Jóhann Hallgrímsson, 24.9.2009 kl. 16:05]

Þú hittir naglann á höfuðið Finnur þegar þú segir að þér langi ekki í gömlu flokksblöðin aftur. Ég er algerlega sammála því og það á líka við um Moggann. Hann verður með D sem ritstjóra pólitískari en hann hefur nokkurn tíman verið að viðbættu smá "skítlegu eðli".

[Finnur Bárðarson, 24.9.2009 kl. 16:06]

Axel, ég hélt að tími flokksmálgagna væri löngu liðinn. Eigum við ekki bara að endurvekja Tímann, Þjóðviljann og Alþýðublaðið. Mér heyrist að þér hugnist bara ein skoðun og hún er örugglega sú rétta. Ég vil hins vegar fá aftur milljarðana sem voru afskrifaðir. Sjálfstæðismenn geta borgað brúsann.

[Finnur Bárðarson, 24.9.2009 kl. 16:10]

Axel Jóhann: Ég ætla að hinkra aðeins með að segja blaðinu upp og kíkja aðeins á skítlega eðlið áður en ég skelli mér í ljóðin.

[Offari, 24.9.2009 kl. 20:15]

Nú langar mig að gerast áskrifandi en ég bara tími ekki að kaupa mér lesgleraugu.

[Finnur Bárðarson, 24.9.2009 kl. 20:17]

Offari: í guðanna bænum, ekki kaupa gleraugu

[hilmar jónsson, 24.9.2009 kl. 20:26]

Kauptu frekar snæri...

[Jón Snæbjörnsson, 24.9.2009 kl. 21:52]

því í anskotanum eruð þið að kenna Sjálfstæðismönnum um þetta ? hvers á ég að gjalda strákar - tel mig hafa staðið vaktina með ykkur ? samt viljið þið hýrudraga mig ?

[Finnur Bárðarson, 24.9.2009 kl. 22:18]

Nei Jón þú hefur staðið þig vel þú færð engan gíró frá mér :)

[Jón Snæbjörnsson, 24.9.2009 kl. 22:32]

haha gíro tja væri þá ekki nema "gíro"kompás - svona rétt til að halda stefnunni

[Einar Björn Bjarnason, 24.9.2009 kl. 22:40]

Það verður að koma í ljós síðar, hvort þessi ákvörðun var nokkurs konar harakiri.

En, ég myndi sakna Moggans, ef hann hætti að koma út.

---------------------

Ljóst er þó, að Mogginn mun nú fara í mjög eindregna stjórnarandstöðu.

Mjög líklega, verður þar einnig eindreginn andstaða gegn ESB ráðandi, héðan í frá.

Tja, síðan reikna ég með, að ritstjóragreinar verði ofta á milli tannanna á fólki, þ.s. hann mun ekki standast það að rífa kjaft.

----------------------

Það verður allavegna fjör í kringum Moggan, héðan í Frá - "for better or for worse".

Kv.

[Einar Björn Bjarnason, 24.9.2009 kl. 22:43]

Finnur - þ.e. rétt afstaða, að lesa sem víðast. Holt að lesa sér skoðanir, sem eru andstæðar manns eigin innlifun af málum samfélagsins; enda eru það fáir sem hafa rétt fyrir sér öllum stundum, og sama á við, rangt fyrir sér öllum stundum.

Kv.

[Guðmundur St Ragnarsson, 25.9.2009 kl. 01:56]

Sammála Finnur. Ef það er ekki tímaskekkja að DO verði ritstjóri Moggans þá er ekkert til sem heitir tímaskekkja. Maðurinn sjálfur er tímaskekkja. Hans tími er liðinn. Sorgleg ritstýring útgefenda og útgefendurnir sjálfir eru tímaskekkja!!!!

[Finnur Bárðarson, 25.9.2009 kl. 14:45]

Einar: Hárrétt hjá þér að kynna sér allar hliðar. Guðmundur: Já tímaskekkja er rétta orðið yfir þetta. Hélt að einhvers staðar leyndist framsýni og djörfung.