Skólum breytt í verksmiðjur

Skil nú ekki alveg þennan gauragang út af klukkutíma námskeiði. Svona klukka hefur verið í áraraðir á LSH og okkur finnst við bara ekkert hafa verksmiðjuvæðst. Það gegnir kanski öðru máli um skóla, þeir eru kanski móttækilegri fyrir verksmiðjuvæðingunni.

Uppreisn gegn stimpilklukku

Athugasemdir

[Sigurður Haukur Gíslason, 21.8.2009 kl. 20:51]

Til hvers er stimpilklukkan og hvað mælir hún?

Er það víst að kennari sem er í skólabyggingu sé að vinna? Getur hann bara ekki verið í sinni stofu að lesa bloggið?

Er það víst að kennari sem ekki er í skólabyggingu sé ekki að vinna?

Hingað til hef ég farið yfir próf nemenda minna heima hjá mér eftir að dóttir mín sjö ára er sofnuð. Á ég þá að redda barnapössun svo ég geti farið í skólann og stimplað mig inn áður en ég fer yfir prófin?

[Sigurrós (IP-tala skráð) 21.8.2009 kl. 21:01]

Finnur, þú ert búinn að setja víða inn athugasemd þar sem þú nefnir að stimpilklukkan sé ekkert vandamál á LSH.

Mig langar bara að spyrja hversu oft þið sinnið vinnunni ykkar heima? Hversu oft hringja skjólstæðingar ykkar í ykkur á kvöldin eða um helgar til að ræða sín mál? Hversu oft þræðið þið bókaverslanir í fjölskyldufríinu erlendis til að leita að einmitt réttu bókunum um það sem best gæti nýst ykkur í vinnunni? Hversu oft rjúkið þið fram úr rúminu rétt áður en þið festið blund til að skrifa niður og vinna úr hugmyndum sem þið ætlið að notast við í vinnunni?

Er bara að velta þessu aðeins fyrir mér. Það getur nefnilega stundum verið erfitt að líkja saman eplum og appelsínum :)

[Finnur Bárðarson, 21.8.2009 kl. 22:32]

Sigurrrós: við sinnum okkar vinnu af alúð og klukkan er ekki vandamál. Heldur þú að enginn þurfi að hugsa um komandi dag nema kennarar. Engin samúð hér, hlusta ekki á þetta væl. Þetta hindar mig ekki í starfi. Og ég fæ launin mín.

Sigurður: Þú veist svarið sjálfur, já já allir eru voða bissy heima að plana vinnuna.

Klukkan mælir viðveru á vinnustað enda ekki ætlað annað hlutverk

[Finnur Bárðarson, 21.8.2009 kl. 22:47]

Í öllum bænum vinnið þetta allt í skólanum ykkar, farið svo heim og hugsið um börnin ykkar og skreppið síðan í bókabúðir, það er opið til 10 hjá Eymundsson eða pantið á netinu.

[Sigurður Haukur Gíslason, 22.8.2009 kl. 01:22]

Af hverju, Finnur, skiptir það þig svo miklu máli að kennarar fari frekar yfir verkefnin í skólanum í stað þess að gera það heima hjá sér?

Heldurðu að það sé ekki betra að foreldrar hugsi sem mest um börnin sín sjálfir í stað þess að aðrir geri það?

Lýður þér betur að ég verji klukkutíma í skólabyggingunni að fara yfir heimadæmi heldur en ég fari yfir þau heima hjá mér?

Hvað mig varðar þá gengur mér betur að fara yfir þessi verkefni í ró og næði í stað þess að gera það í stofunni minni á meðan það er verið að ræsta hana. ( Hún er þrifin milli kl. 14 og 17)

[Finnur Bárðarson, 22.8.2009 kl. 11:53]

Sigurður Það gildir mig einu hvernig vinnan er unnin það sem ég er að segja að stimpilkukka mælir bara viðveru á vinnustað. Þið hljótið að geta gert vinnuveitemdum ykkar grein fyrir þessari tilhögun að vinna heima. Væntanlega eru þið á föstum launum svo það ætti ekki vera vandamál.