Rosalegt minni

Davíð Oddsson segist vita af gommu af óbirtum skjölum um IceSafe, m.a. í Utanríkisráðuneytinu. Hann vill bara ekki segja í hvaða skúffum þau liggja. Ráðuneytið segist ekki hafa fundið nein slík skjöl. Nú vandast málið. Hver er að segja satt? Davíð man gjörla eftir samningaferlinu 1264 eða gamla sáttmála, sem hann segir að hafi verið snöggtum betri en IceSafe samningurinn. Maður með slíkt ofur minni hlýtur að njóta vafans. Bara að hann vildi nú ropa því út úr sér hvar pappírarnir eru staðsettir.

Ekki setja þjóðina á hausinn

Athugasemdir

[Guðrún Emilía Guðnadóttir, 5.7.2009 kl. 13:58]

Það má nú alveg líkja honum við Simson, eða hvað þetta viðrini heitir á myndinni aldrei þolað hann frekar en hinn til margra ára.

[Finnur Bárðarson, 5.7.2009 kl. 14:19]

Þetta er Simpson sjálfur. Stærð heilans skýrir hegðunina.

[Axel Jóhann Hallgrímsson, 5.7.2009 kl. 15:20]

Í nóvember 2008 undirritaði Davíð Oddsson þáverandi seðlabankastjóri, sem fulltrúi Íslenskra stjórnvalda, samstarfyfirlýsingu við Alþjóðagjaldeyrissjóðinn að Ísland undirgangist ábyrgð sína á innistæðutryggingunum að fullu.

Þetta ásamt öðru hefur skolast eitthvað til í ofurminni Davíðs, sem lofaði bankana og stefnu þeirra opinberlega en segist nú hafa varað við og spyrnt við fótum. Svo kennir hann öðrum um, jafnvel þeim sem þó gagnrýndu stefnuna opinberlega. Davíð hefur aldrei verið jafn ódýr og núna.

Fylgjendur Davíðs halda svo ekki vatni af hrifningu og hrópa hallelúja lofaður sé Davíð (lesist Drottinn). Það hefur alltaf verið spursmál hvort sé meira fífl, fíflið eða þeir sem fylgja því í blindni.

[Finnur Bárðarson, 5.7.2009 kl. 16:00]

Þegar Davíð stígur fram er hjörðinni sama hvað hann segir. Bara að hann segi eitthvað.

[Jón Snæbjörnsson, 5.7.2009 kl. 16:42]

ef ekkert annað dugar en "Davíð" gegn Icesave so be it

hættið svo þessu neikvæða Sjálfstæðistali strákar - það eru vandamál þar eins og td í Samfylkinunni en ég vona svo innilega að þar verði tekið til þe ef nokkrir einstaklingar þar innanborðs fari ekki sjálfviljugir svo umræðan geti farið í heiðarlegan, trúverðugan og réttlatan farveg sem fyrst

[Finnur Bárðarson, 5.7.2009 kl. 16:59]

Ekki er samúð eða stuðningur minn hjá Samfó, VG, Borgarahreyfingunni eða Framsókn. Er hálfgerður anarkisti í eðli mínu og hef trú á stjórnmálamönnum eða flokkum. En refsigleði mín er mikil og gildir einu hvaða flokksskírteini eru uppi.

[Finnur Bárðarson, 5.7.2009 kl. 17:00]

hef enga, að sjálfsögðu

[Offari, 8.7.2009 kl. 11:02]

Það má ekki tala illa um Davíð vin minn. Ég hef aldrei skilið þetta hvernig þetta andstreymi gegn honum sem útrásarvíkingarnir komu á stað hefur komist inn á almenning.

Mér finnst ólíðandi að útnýða saklauan mann vegna pólitískrar skoðanar. Þó svo að Davíð hafi verið Seðlabankastjóri þegar hrunið átti sér stað þá held ég að engu máli hafi skipt hver hefði þar setið því ræningjarnir voru með launráð undir hverju rifi.