Févíti

Ekki hef ég glóru, hvað févíti er eiginlega. Minnir einna helst á skattaskjól. En hvað um það, nú reiðir Þórður Friðjónsson, sem starfar í einhverri s.k. Kauphöll, refsivöndinn hátt á loft og ætlar beita févítinu gegn Straumi Burðarás og Bakkavör Group. Hvort félagið þarf reiða fram, hvorki meira né minna en 1,5 milljónir króna. Févítismaðurinn ætlar sem sagt að keyra félögin í þrot upp á eigin spýtur og hreinsa upp í spilavítissukkinu, í eitt skipti fyrir öll.

Athugasemdir

[Jón Snæbjörnsson, 20.5.2009 kl. 14:02]

þeir hljóta að skjálfa á beinunum - ekki nein smá hótun að beita "févíti"

[Finnur Bárðarson, 20.5.2009 kl. 14:04]

Hvurnig ætli það líti út ætli það sé neðar en alvöru víti :)

[Jón Snæbjörnsson, 20.5.2009 kl. 14:13]

ef þeir fara niður þá kemur hinn pottþétt upp - hvort er verra kann ég ekki - þó svo þeir fari í taugarnar á manni best samt að hafa þess "gutta" hér uppi þar sem hægara er að nálgast þá á meðan þarf

[Finnur Bárðarson, 20.5.2009 kl. 14:18]

Hummm þú segir nokkuð, vonlaust að sækja þá niður, skuggalega heitt þarna niðri hef ég heyrt

[Axel Jóhann Hallgrímsson, 20.5.2009 kl. 15:18]

Sá ekki frétt um þetta. Ég reikna með að menn gerist almennt ekki í þessu geira vísvitandi brotlegir við lög nema í hagnaðarskyni.

Þessi, sekt ein og hálf milljón (10 ára gamall Range Rover), er hún í einhverju samræmi við hagnaðinn eða hagnaðarvonina?

[Finnur Bárðarson, 20.5.2009 kl. 15:54]

Þetta var í papírus mogga, en upphæðin, ég var að vona að þetta hefði verið misritun og átt að standa: 1.6 milljarðar.