ESB: Fælni og fíkn

Fælni er þekktur andlegur kvilli og er stundum ill læknalegur. Má nefna t.d. nefna flugfælni og víðáttufælni. Til að yfirvinna flugfælni þarf viðkomandi helst að gangast undir samtalsmeðferð og jafnvel lyfjameðferð.

 

Lækningin er þó ekki í höfn fyrr en viðkomandi sest upp í flugvél og flýgur. Sama gildir um ESB fælni, bara bókstafirnir einir og sér geta valdið ofsakvíða. Endanleg lækning er að sjálfsögðu fólgin í aðildarviðræðum. Ef  nefna ætti einn af handahófi, sem er með ESB fælni á háu stigi og nánast ólæknanlega, er það Hjörleifur Guttormsson.

 

Fíkn getur einnig verið erfitt að lækna. Ef á að nefna einhvern sem er með alvarlega ESB fíkn kemur Árni Páll Árnason upp í hugann. Hann er því óhæfur til að fjalla um ESB mál, því hann vantar gagnrýna hugsun þess sem ekki er haldinn þessari fíkn. 

 

Margir vilja hreinlega ekki læknast af þessum kvillum og öðlast meiri víðsýni og kjósa að hafa asklok fyrir himinn og í þeirra hópi er Hjörleifur. Hann er líka eins og Árni Páll óhæfur að fjalla um málið á vitrænan hátt .

Athugasemdir

[Offari, 27.4.2009 kl. 17:32]

Ég er með Esb fælni á háu stigi. Það er hinsvegar rétt hjá þér að þetta eru öfgar í báðar áttir og ég viðurkenni vel að ég er öfgasinnaður Esb andstæðingur. Ástæðan er hræðsla ég er að heyra af Finnskum bændum sem hafa tekið á sig 70% kjaraskerðingu vegna Esb aðildar.

Esb löndin eru illa stödd svo óvíst er hvort hægt sé endalaust að halda Evruni uppi. Ég vill ekki að þjóðin verði seld meðan hún fæst fyrir lítið og taki svo til viðbótar á sig gengisfall Evrunar.

Ég er svo öfgasinnaður að ég er farinn að sjá neikvætt við allt sem ég áður taldi jákvætt við Esb. Ég var hlyntur því að skoða hvað samningur hefði upp á  að bjóða fyrir óstands tímabilið en ég vill ekki sjá Esb fyrr enn eftir að það tímabil er liðið og gengi krónu og Evru eru komin í eðlilegt horf. Í dag höfum við ekkert að bjóða Esb sem getur gefið okkur rétt til að gera þær kröfur sem við viljum hafa.

[Finnur Bárðarson, 27.4.2009 kl. 17:36]

Síðasta setningin hjá þér umhugsunarverð, við höfum alltaf litið á það sem sjálfsagt að við fengjum allt fyrir ekkert.

[Guðmundur St Ragnarsson, 27.4.2009 kl. 22:47]

Alveg rétt Finn og frábær pistill. Árni á ekki að koma nálægt samningaviðræðum um ESB, verði þær í bráð. Hann mun samþykkja allt sem ESB biður um svo illa er hann haldinn af fíkninni. Ég held að Árni Páll sé klónað afbrigði sænsks jafnaðarmanns, Per Olaf Sundin, og er hér í þeim tilgangi einum að tryggja inngöngu Íslendinga í ESB.

Eins og þú lest er ég með alvarlega ESB fælni. Ég held því samt statt og stöugt fram að ég sé heill á geðsmunum. Þeir sem samþykkja það með þögninni á mínu heimili eru í það minnsta Atlas og Pepsi Bubbasynir, norskt ættaðir ferfætlingar af kattakyni.

[Finnur Bárðarson, 27.4.2009 kl. 23:01]

Ekki efast ég neitt um þína geðsmuni Guðmundur en það er hollt að hafa í huga skortur á forvitni er slæmur og síðan Hjörleifur sem hefur asklok fyrir himinn í nánast öllum málum. Hann mun aldrei lyfta lokinu því þá gæti hann séð sólargeisla sem er stórhættulegur.

[Hólmfríður Bjarnadóttir, 27.4.2009 kl. 23:37]

Ég tel ekki hættu á ferðum þó Árni Páll Árnason verði í þeim  hópi sem fer í viðræður við ESB. Þetta verður örugglega töluverður hópur fólks sem kemur að málin og með VG í stjórn, er nokkuð öruggt að íhaldssamir efasemdarmenn verða með í hópnum

[Finnur Bárðarson, 28.4.2009 kl. 10:38]

Þú segir nokkuð Guðmundur, ef kisurnar leggja ekki orð í belg þá er eitthvað grunsamlegt í gangi en skemmtileg nöfn :) Annars hef ég egg sjálfur fastmótaða skoðun en vil endilega kíkja.

Hólmfríður: Ég er dauðhræddur við Árna Pál.