Brennuvargar verði hundeltir

Brunaliðið helti eldfimum vökva yfir landið. Rétti síðan brennuvörgum útrásarinnar eldspýtur. Samkvæmir sjálfum sér fóru þeir að að kveikja í. Slökkviliðið horfði sem dáleitt á eldhafið magnast. Jafnvel forsetinn kíkti við til að orna sér við bálið. Þegar slökkviliðinu tóka að leiðast sýningin lagðist hún til svefns. Þegar liðsmennirnir vöknuðu seint um síðir sáu þeir að allt sem brunnið gat var brunnið. Bara rjúkandi rústir einar eftir.

Ábyrgð slökkviliðsins er mikil en ábyrgð brennuvarga er ekki minni. Nú þarf að fara að draga þessa brennuvarga út úr skúmaskotum og koma þeim fyrir dóm. Það er beinlínis skilda þjóðarinnar að keyra þessa einstaklinga í þrot með öllum tiltækum ráðum og hirða síðan af þeim eignirnar.

Ég vil sjá Raddir fólksins beina spjótum sínum að þessu fólki. Á Austurvelli vil ég sjá spjöld með myndum af þessum brennuvörgum þar sem þeir eru eftirlýstir af þjóðinni sem ótíndir glæpamenn. Ef ákæruvaldið ætlar ekkert að aðhafast þarf hreinlega að stofna dómstól fólksins.