Innrásin hafin

8.2.2010

Útrásarböðlarnir ætla ekki að láta sér nægja að steypa landinu í glötun í eitt skipti með útrásinni. Nú eru þeir að hefja aðför að landinu í formi innrásar. Nægir þar að nefna Ólaf Ólafsson sem hefur eignast Hafskip, Björgólf Thor með gagnaver á Suðurnesjum og Jón Ásgeir sem er að endurheimta fjármálaveldi sitt á ný. Fleiri munu bætast í hópinn til að seilast í fé sem enn kann að finnast í fórum almennings. Þetta gera þeir í skjóli stjórnmálalegs glundroða og umræðu um IceSafe sem hefur heltekið þjóðina. Nýtt Ísland undir þessum formerkjum blasir við, meðan þjóð og stjórnvöld horfa sljóum augum á.

Flokkur: Stjórnmál og samfélag | Facebook