Flýja til Sviss

Fleiri fjárglæframenn ætla að flýja land. í DV er greint frá því að m.a. Ólafur Ólafsson, kenndur við Samskip, og Sigurður Einarsson, fyrrum stjórnarformaður Kaupþings, íhugi að sækja um ríkisfang í Sviss. Þegar ferilskrá þeirra er skoðuð myndi maður ætla að Sviss hugsaði sig um tvisvar áður en þeim yrði veitt ríkisfang þar í landi. En Sviss mun væntanlega ekki setja slíkt smáræði fyrir sig, þegar ljóst verður að milljarðar eru í farteski þeirra kumpána.

Athugasemdir

[Guðrún Emilía Guðnadóttir, 5.5.2009 kl. 18:50]

Er það ekki orðið of seint fyrir þá, nema að þeir séu hræddir að búa á Íslandi
gæti verið, en ég hef nú aldrei skilið hvað þessi menn hafa auðgast á stuttum tíma, en það er ekki að marka ég er svo græn.

[Finnur Bárðarson, 5.5.2009 kl. 19:22]

Ég skil þetta ekki heldur Milla, en þeir eru búnir að baktryggja sig í bak og fyrir. Þeir auðguðust á okkar kostnað. Það var ekket framleitt.

[Hlédís, 5.5.2009 kl. 20:22]

Djävlar!

Fyrirgefið 'frönskuna'.

[Finnur Bárðarson, 5.5.2009 kl. 20:44]

För helvete :)

[Rut Sumarliðadóttir, 6.5.2009 kl. 13:00]

Ég kann miklu ljótari orð en ætla að þegja. Enda held ég að rödd okkar þegnanna heyrist illa. Hengingarólin orðin örlítið lengri en hún hengir samt á endanum.

[Hlédís, 6.5.2009 kl. 13:18]

Sæl Rut!

"Kvein mín ei heyrast, mun því þegja." orti Bólu-Hjálmar í elli. Kvein hans heyrast enn.

Þessar línur Hjálmars um Akrahrepp í Skagafirði fyrir rúmum 100 árum eru sígildar, því miður:

" Félagsbræður ei finnast þar

af frjálsum manngæðum lítið eiga

Eru þar flestir aumingjar,

en illgjarnir þeir sem betur mega."