Fjársvikamaður kominn í vatnsútflutning ?

30.3.2009

Hollendingurinn Otto Spork, sem búsettur er á Íslandi en sakaður um stórfelld fjársvik í Kanada þar sem hann hefur einnig búið, er í samstarfi við Snæfellsbæ um vatnsútflutning frá Rifi segir á fréttavef Eyjunnar. Þessi Íslandsvinur kemur víðar við. Í Vestmannaeyjum er verið að reisa hús til útflutnings á jöklavatni Sporks á vegum Iceland Glacier. Vatnsfyrirtækið Iceland Glacier Products er skráð á Íslandi en tengt félaganeti í Lúxemborg og Cayman-eyjum. Það er margt á huldu um þennan Otto en hann hefur meðal annars hitt forseta Íslands og látið taka mynd af sér við það tækifæri.