Látum kné fylgja kviði

Eltum þá uppi hvar sem þeir leynast og beitum þeim hrottaskap. Útskúfum þeim öllum úr íslensku samfélagi í eitt skipti fyrir öll. Þessum einstaklingum sem komu íslenskum fjölskyldum á vonarvöl með einbeittum brotavilja. Hreinsum landið af Armani glæpamönnum.

Þrír ákærðir í Exeter-málinu

Athugasemdir

[Sigurður Haraldsson, 28.6.2010 kl. 20:17]

Samála!

[Herbert Guðmundsson, 28.6.2010 kl. 20:26]

Veistu um hvað þú ert að tala og hvað þú ert að dæma? Í fljótu bragði álykta ég að þér fari betur að sinna köttunum þínum af alúð og í þeirri trú bið ég fyrir kveðju til þeirra.

[Finnur Bárðarson, 28.6.2010 kl. 20:35]

Jæja Herbert, einn dyggur stuðningsmaður fjárglæframanna mættur. Þeir eiga hauka í horni víða.

[Finnur Bárðarson, 28.6.2010 kl. 20:36]

Bara ágiskun Herbert, ertu nokkuð flokksbundinn ónefndum flokki ?

[Finnur Bárðarson, 28.6.2010 kl. 20:46]

Sigurður: Raddir uppgjörsins eiga ekki marga málssvara virðist vera

[Herbert Guðmundsson, 28.6.2010 kl. 20:46]

Athugasemd mín hefur ekkert með fjárglæframenn að gera, hún snýst um ótímabærar fullyrðingar eins og þessa, að kæra þýði sama og kærðar persónur í þessu tilfelli kallist fjárglæframenn, meðan enginn hefur verið ákærður og enginn dæmdur, En sjálfsagt hefði ég betur látið svona sleggjudóma eins og þinn eiga sig, því þeir eru sjálfdauðir, það sé ég af viðbrögðum þínum sem eru eins ómálefnaleg og hugsast getur.

[Sigurður Haraldsson, 28.6.2010 kl. 20:52]

Herbert hvenær telur þú að fullyrðingar á borð við þær sem Finnur setur fram eigi við?

Hvað eigum við að þurfa lengi að horfa upp á þá sem stálu nánast öllu úr kerfi okkar og lyfeyrissjóðum vera tekna fyrir og dæmda?

[Herbert Guðmundsson, 28.6.2010 kl. 21:02]

Ég hef þegar svarað þessu, Sigurður Haraldsson. En þú bætir í dómhörkuna með sleggjudómi þínum yfir þessum mönnum með því að kalla þá þjófa, eða ert þú svona fullkominn að sjá ákærur og dóma fyrirfram með þeirri niðurstöðu sem þú gefur þér? Eða ertu bara einn rugludallurinn enn?

[Sigurður Haraldsson, 28.6.2010 kl. 21:05]

Nei en ég er búin að fá nóg af aðgerðarleysi stjórnvalda og dómstóla gegn þessum þrjótum sem komu okkur á kaldan klaka!

[Finnur Bárðarson, 28.6.2010 kl. 21:08]

Greinilegt er allt ótímabært í þínumhuga þegar kemur að stórglaponum auðsins Herbert. Endurtek aftur þeir eiga og munu eiga hauka í horni eins og þig. Tilvist þeirra hefur byggst á því. Þetta eru hinir ósnertanlegu..... fram til þessa. Og hættu að setja þig á háan hest með því að kalla gesti mína rugludalla, horfðu í eigin barm

[Björn Birgisson, 28.6.2010 kl. 21:16]

Ég ætla að leyfa mér að fagna þessum ákærum og hefði viljað sjá þær miklu fyrr á ferðinni. Mér er ljóst að sitthvað er ákæra og annað er dómur yfir ákærðum.

Finnur er skemmtilegur strákur, en oft hvatvís, en réttlátur Íslendingur fyrst og fremst. Það hefur hann margsýnt með stuttum en hnitmiðuðum skrifum sínum.

En þegar málin gerast viðkvæm fyrir einhverja er sjálfsagt að gíra sig ögn niður, án þess að skipta um skoðun. Aðgát skal ávallt höfð í nærveru sálna.

Líka sálna þeirra sem virðast sekir um afbrot að dómi sérstaks saksóknara.

Þegar dómur verður endanlegur er við hæfi að tjá sig hraustlega.

Þangað til er rétt að spara púðrið, en gæta þess vandlega að láta það ekki vökna.

[Finnur Bárðarson, 28.6.2010 kl. 21:17]

Mælt manna heilastur Sigurður

[Finnur Bárðarson, 28.6.2010 kl. 21:20]

Takk fyrir þetta Björn, auðvitað viðurkenni hvatvísi en á síðustu mánuðum hefur verið gengið svo gresamlega fram af mér. Dapurlegast er þegar fótgönuguliðarnir reynast vera af sama þjóðerni og við. Ekki að undra að lítið gengur

[Heiðar (IP-tala skráð) 28.6.2010 kl. 21:23]

Herberti Guðmundssyni hugnast glæpamenn. Hvað skyldi hann hafa á samviskunni?

[Finnur Bárðarson, 28.6.2010 kl. 21:56]

Púðrið Björn vöknar alltaf ef hið svo kallaða Verslunarráð er með í spilinu

[Júlíus Valdimar Finnbogason, 29.6.2010 kl. 06:27]

Ég styð að glæpamenn séu teknir og dæmdir en ég er líka á því að menn eigi að njóta vafans þar til þeir eru dæmdir.

Íslenskt samfélag er skammarlegt þegar það kemur að þessu og þykjast allir borgarar vita hver átti í hlut og meira að segja er sumt fólk svo illa að sér að það skilur ekki muninn á siðlausu og ólöglegu.
Mér er alveg sama um önnur samfélög, nú er ég að ræða Ísland. Fólk öskra og æpir og vill hina og þessa handsamaða. Kenna einum flokki um allt saman sem og þeim sem eiga nóg af peningum. Allir eru þjófar og vondir við litla manninn. (Þ.e.a.s. þeir ríku)

Æji, mér gæti ekki verið meira sama um svona fólk og þá á ég sérstaklega við þá sem voru nógu vitlausir til að halda að hlutabréf væru örugg fjárfesting og að allt sem færi upp mundi haldast þar.
Það er skólabókardæmi að hlutabréf eru ekki örugg, ef þau væru það þá væri enginn fátækt í heiminum, það er nú ekki flóknara en það og allir mundu hagnast.

Ég er EKKI ríkur en ég er strangheiðarlegur og geri EKKERT ólöglegt nema kannski að brjóta hraðatakmörkin annað slagið en það geri ég ekki með vilja.
Ég downloada ekki sjóræningjaútgáfum af tónlist eða kvikmyndum, ég stel ekki fé eða vörum á neinn hátt, ég fiffa ekki til barnabætur með breyttri hjúskaparstöðu til að auka tekjur o.sfrv. o.sfrv.

Ég held að ég þekki nánast engan sem stundar ekki að downloada myndum eða tónlist sem það borgar ekki fyrir. Þetta er þjófnaður og hinn almenni borgari er að kosta höfunda hundruði milljóna útaf stuldi sínum. Fullt að fólki finnst þetta í góðu lagi og sér ekkert rangt við þetta því það eru jú dreifingaraðilarnir sem eru teknir, talandi um siðleysi. 

Á Íslandi veit ég um mörg dæmi þar sem fólk skildi eða skráði sig úr sambúð til að auka tekjur, ég veit um dæmi þar sem fólk vann svart og þáði svartar vörur. Já og allt þetta fólk gagnrýnir aðra fyrir stuld. Eitt orð; Hræsni!

 Afsakið en þetta er hræsni og þó svo að þetta séu minni upphæðir en hjá þeim sem stálu milljörðum ( sem btw er ekki búið að sanna en það gerist kannski með dómsúrskurði). Þjófnaður er þjófnaður sama hvernig litið er á það og þú Finnur ættir sjálfur að koma niður af þínum háa hesti og horfa á samfélagið í heild í stað þess að gagnrýna aðra með hroka þínum að því að þú þykist vita betur. Ef þú sérð þetta ekki og ef aðrir sjá þetta ekki þá eigið þið við alvarlegt vandamál að stríða.

Siðblinda, greindarleysi, dómgreindarskortu, þið getið kallað það sem þið viljið en mér finnst þetta fyrst og fremst hræsni. Sérstaklega í þeim sem eyddu eins og kóngar án þess að vera borgunarmenn fyrir því og reyna svo að finna aðra sökudólga af því að þeir/þær urðu að vera með.

Skiptir engu máli hvort fólk er til hægri eða vinstri, það eru svartir sauðir allsstaðar en mér finnst fólk algjörlega horfa framhjá öllu þessu af því að þetta er orðinn "kultur" á Íslandi.

Smá handa Sigurði í færslu #9. Það voru ekki bara stjórnvöld eða einstaka menn. Reyndu nú að horfa þér nær og rifjaðu nú upp þetta "góðæri" hjá almenningi.
Það var haugur af fólki sem eyddu eins og fífl en enginn vill viðurkenna það og kenna öðrum um. Fólk sem bjó til falskar innistæður á bönkum til að fá hærri húsnæðislán(ég veit persónulega um mörg dæmi hjá ungu fólki), fólk sem tók lán fyrir laxveiði, fólk sem setti allt í botn til að hafa 2 bíla, nýtt húsnæði, fellihýsi, utanlandsferðir o.sfrv.

Er fólk í alvörunni svona skelfilega minnislaust og man ekki lengur eftir þessu? Er þetta kannski stjórnvöldum að kenna? Að fólk skuldsetti sig í botn og ekkert mátti útaf bregða? Sér fólk ekkert athugavert við það að fullt að fólki gerði þessa hluti og svo ef það þurfti tannlækni fyrir 1 persónu þá fór það framúr budgeti?

Ef þú heldur það Sigurður þá ættir þú að hugsa til baka í stað þess að reyna að finna sökudólga eingöngu í þeim ríku eða stjórnmálaflokkum.

Það var enginn sem dró fólk út í banka, bílasölur eða fasteignamiðlanir, það fór sjálft. Vissulega voru haugur af gylliboðum en þó þú fáir gylliboð ertu þá skyldugur til að taka því? Nei þú ert það ekki og þetta er spurning um að hugsa dæmið til enda og það voru mjög margir sem ekki gerðu það.

Það er samt eitt sem ég vil taka fram til að forðast allan misskilning. Vissulega er fólk að lenda í slæmum málum sem gerðu lítið sem ekkert nema að kannski breyta íbúðarlánum sínum til að fá hagstæðari vexti. Það er ömurlegt fyrir það að það hafi reynt að laga til eitt lán og farið á hausinn við það. En það eru bara svo gríðarlega mörg dæmi allt í kringum mann þar sem fólk eyddi efnum fram en í dag vill enginn viðurkenna það og reynir að kenna öðrum um. Sorglegt en svona er þetta í mörgum tilfellum og það hljótið þið að sjá. 

[Þórarinn Þ Gíslason (IP-tala skráð) 30.6.2010 kl. 02:51]

Sæll Finnur.

Ég var einn af þeim sem dæmdi hart og talaði beinskeitt og get það ennþá ,

en ég særði óvart manneskju sem ekki varð aftur tekið, svo að ég tók þann pólinn í hæðina að fara gætilegra eftir það.

Enda er mitt Blogg eins og Fullseggluð skúta í LOGNI.

Mér finnst þú í allflestum blogggreinum fara með rétt mál, og allt eru þetta réttsýnismál. Stundum  ertu orðhvasss, en hver er það ekki.

Allt virðist leyfilegt í dag. Afhverju ekki þú...... ef aðrir ?

Gangi þér sem best.

Kveðja á þig.

[Finnur Bárðarson, 30.6.2010 kl. 16:32]

Blessaður Þórarinn: Ég hafði ekki nöfn þessara einstaklinga í huga. Heldur gjörningurinn sem slíkur mér misbauð.

Með kveðju

Finnur