Hverjir lesa blogg ?

Bara bloggarar sjálfir lesa blogg. Þetta gæti verið niðurstaðan úr óvísindalegri rannsókn hjá mér meðal vina, vandamanna og starfsfélaga. Örfáir lásu Moggabloggið og enginn að staðaldri. Konurnar í vinnunni voru ekki að skafa af því: "Bloggið er griðastaður fyrir miðaldra leiðinlega karla á breytingarskeiði". Tók ekki frekar þátt í umræðunni og fór að tala um veðrið.

Athugasemdir

[Flosi Kristjánsson, 12.3.2010 kl. 17:16]

Þessi niðurstaða gæti sem hægast verið alveg við það að vera sönn: Þeir sem skrifa blogg, lesa blogg á sama miðli og ef til vill víðar. Hvort þeir eru leiðinlegir skal ósagt látið, en flestir eru ágætlega pennafærir og kunna stafsetningu upp á 9,0 eða meira

[Jenný Stefanía Jensdóttir, 12.3.2010 kl. 17:20]

Játa að sumir eru skemmtilegri en aðrir, en það er líka frábært að hafa val.

Konurnar í vinnunni þinni eru líklega hvorki miðaldra né leiðinlegar

[Finnur Bárðarson, 12.3.2010 kl. 17:30]

Jú þær eru flestar miðaldra eða þar um bil Jenný og hrikalega flottar og skemmtilegar. Get hugsað mér aðra starfsfélaga. Flosi: Held stundum að við sem bloggum séum miðdepill þjóðarinnar. Ég er nú ekki í 9,0 flokkinum :):) En þið Jenný eruð fín.

[Grefillinn Sjálfur - Koma svo! (IP-tala skráð) 12.3.2010 kl. 17:38]

Hvað ætli "miðaldra, leiðinlegir karlar á breytingarskeiði" séu margir á þessu landi?

[Jenný Stefanía Jensdóttir, 12.3.2010 kl. 18:02]

 "Get hugsað mér aðra starfsfélaga"

Freudisk mismæli eru stórskemmtileg!

Eins og LÍU segir "fiskinn minn nammi nammi namm"

[Finnur Bárðarson, 12.3.2010 kl. 18:19]

ÚPS, Jenný, EKKI, átti það að vera, nei áhugi minn á konum er takmarkalaus :):)

Bergur: Þeir eru all nokkrir held ég miklu skemmtilegra að lesa blogg kvenna.

[Kama Sutra, 12.3.2010 kl. 19:22]

Sumir kunna ekki gott að meta.  Ég veit ekkert skemmtilegra en "félagsskapur" miðaldra, nöldrandi bloggkarla.

[Kama Sutra, 12.3.2010 kl. 19:23]

Segir kannski eitthvað meira um mig en nöldur-bloggkarlana?

[Brjánn Guðjónsson, 12.3.2010 kl. 19:58]

ég las blogg áður en ég fór sjálfur að blogga. líklega hef ég þá alltaf verið bloggari. bara óvirkur, þar til ég hóf að fjasa hér

[Finnur Bárðarson, 12.3.2010 kl. 21:05]

Kama Sutra ert að meina þetta ????. Brjánn kanski er best að vera óvirkur

[Guðmundur Júlíusson, 12.3.2010 kl. 22:41]

Ég held að mun fleiri lesi blogg hér en þú heldu kattavinur kæri, því í ósköpunum ættir þú þá annars að vera að þessu?

[Finnur Bárðarson, 12.3.2010 kl. 22:50]

Nei, Guðmundur enginn með viti hefur áhuga á þessu rausi í okkur nema við sjálfir

[Kama Sutra, 13.3.2010 kl. 13:43]

Já Finnur, ég er að meina þetta.  Mér finnst margir miðaldra bloggkarlar alveg hreint bráðskemmtilegir.  Þeir gera lífið og tilveruna bara litríkari og skemmtilegri.  Alveg hreina satt.  Tíu bloggputtar upp til guðs.

En auðvitað eru undantekningar þarna á - sumir miðaldra bloggkarlar eru alveg hrútleiðinlegir.  Ég er bara ekkert að fara inn á bloggin þeirra.  Ég fer kannski þangað einu sinni, en svo ekki söguna meir.  Forðast þá eins og pestina.  Annað væri masókismi.  Nefni engin nöfn. 

[Finnur Bárðarson, 13.3.2010 kl. 15:51]

He, he, "tíu bloggfingur upp til guðs" snilld Kama

[Björn Birgisson, 13.3.2010 kl. 17:55]

Finnur, það lesa miklu fleiri blogg en bloggarar. Það hef ég oft orðið var við, ýmist með skömmum eða gælum. Sum blogg les maður nánast með lotningu, Árna Gunnarsson til dæmis, en því miður mörg önnur með óbragð í nefinu, eins og kerlingin sagði.

[Finnur Bárðarson, 13.3.2010 kl. 21:46]

Þú hefur lög að mæla Björn eins og svo oft :) Ég er ekki óeskeikull

[Þórarinn Þ Gíslason (IP-tala skráð) 14.3.2010 kl. 12:38]

Sæll Finnur,

Athygliverð niðurstaða hjá "kerlingunum" .

Og ekki fjarri lagi, frekar en nærri lagi.

Og er þá ekki allt í lagi,

Kær kveðja á alla Moggabloggara og lesendur Bloggsins.

[Guðsteinn Haukur Barkarson, 14.3.2010 kl. 15:38]

Finnur, það segir og er fullyrt í grein þinni:

"Bloggið er griðastaður fyrir miðaldra leiðinlega karla á breytingarskeiði".

hehehe ... jamms, bentu þessum ágætu konum á bloggið mitt t.d. Nema að 33 ára teljist til "miðaldra" og ekki hef ég orðið var við neitt breytingaskeið ennþá. Þannig stenst ekki alhæfing þessara ágætu kvenna, og er ég aðeins eitt dæmi af fjölmörgum af þeim sem ná því markmiði að vera undir "miðaldra" og er eigi byrjaðir á "breytingaskeiði". ... er bara að reyna hjálpa með þessu!

[Finnur Bárðarson, 15.3.2010 kl. 17:53]

Guðsteinn, ég skal benda þeim á þig :) Þær hafa trúlega opnað bloggsíðuna á röngum tíma. 33 ár nei það er ansi langt í miðjan aldur og ekki ertu þú með leiðinlegir færslur ekki frekar en vinir mínir hér að ofan. Flosi, Kama, Jenný, Björn, Guðmundur, Brjánn, Björn, Bergur, Guðmundur og Þórarinn. Ekki eru þið leiðinlegir bloggarar. Sný nú vörn í sókn eftir þessa ábendingu :)