Sniðugt trix til að losna við bloggara

Ég er einn af mörgum sem blogga um fréttir á mbl.is. Ritstjórinn er búinn að finna út hvernig hann losnar við þessa óværu sem bloggara eru: Hafa nógu leiðinlegar fréttir þannig að engin leið er til að skrifa blogg um fréttina. Eða er Mogginn bara orðinn svona hrikalega leiðinlegur eftir ritstjóraskiptin ? Nokkrar spennandi fyrirsagnir í dag:

Fundi VG lokið
Eggert aftur til Ham
Óveður í aðsigi
Fjarskild frænka hafði samband
Mikill niðurskurður í hreinsun á veggjakroti

 

 

Athugasemdir

[Offari, 8.10.2009 kl. 15:45]

Ekki finnst mér að Davíð hafi tekist að draga úr þér kraftinn.

[Sæmundur Bjarnason, 8.10.2009 kl. 15:49]

Ég linka svo sjaldan í fréttir að hann losnar ekki við mig með þessu. Ha ha.

[Finnur Bárðarson, 8.10.2009 kl. 15:49]

Jæja takk Offari, en ég fer að linast ef ekki verður skrifað um útrásardjöflana.

[Finnur Bárðarson, 8.10.2009 kl. 15:53]

Mér tekst aldrei að verða alvöru "Sæmundarbloggari" ( = besta bloggið) . Þannig að ég á ekki marga kosti Sæmundur.

[Ásdís Sigurðardóttir, 8.10.2009 kl. 16:05]

Ég er þá ekki ein um þetta, var einmitt að hugsa áðan hvað allar fréttir eru bitlausar og hversu lítið væri hér í gangi. Það vantar einhver kraft.

[Finnur Bárðarson, 8.10.2009 kl. 16:15]

Þetta er voða máttlaust Ásdís. Ég fékk smá kikk þegar blaðið skrifaði um kofana hans Hannesar. En trúlega verður skjaldborgin um gaura eins og hann efld

[Björn Birgisson, 8.10.2009 kl. 16:28]

Bláleitur fölvi Moggans er að verða helblár. Margt er þó gott í blaðinu, svo allrar sanngirni sé gætt. Ætli Mogginn stefni nokkuð í fjárhagslega öndunarvél?

[Finnur Bárðarson, 8.10.2009 kl. 16:32]

Það er þegar búið að koma henni fyrir í Hádegismóum og beintengd við Landsbankann.

[hilmar jónsson, 8.10.2009 kl. 17:01]

Þetta er svo útspekúlerað.

Nú er bara að hnýta í óskyldar fréttir.

Óveður í aðsigi: Það má nú prjóna ýmislegt við það..

[Finnur Bárðarson, 8.10.2009 kl. 17:13]

Hilmar: DV stendur sig best á mínu áhugasviði svo ég tengi bara við þá. Þetta með óveðrið það mætt nú spinna út frá því eins og þú segir.

[hilmar jónsson, 8.10.2009 kl. 17:35]

Já sammála, eins og Dv hefur farið í taugarnar á mér vegan æsifrétta um róna og undirmálsfólk, þá eru þeir í ágætum kipp núna.

[Sæmundur Bjarnason, 8.10.2009 kl. 18:00]

Alveg sammála þér Hilmar. DV er mikið að skána. Kannski er Mogginn að versna en vonandi stendur Moggabloggið fyrir sínu þó margir hafi farið.