Bloggfærslur mánaðarins, september 2009

Gósentíð fyrir myrkarhöfðingjana

Útrásarglæpamennirnir, flissa og skála í kampavíni, meðan gjaldþrota þjóðin er upptekin við að ræða stjórnmál. Nú geta þeir haldið óáreittir, áfram myrkraverkum sínum, meðan fjölmiðlar beina kastljósinu frá þeim. Kærkomið tækifæri til að koma síðustu krónum landsmanna í eigin vasa, án þess að nokkur taki eftir því.
mbl.is Var ekki að fórna sér
Tilkynna um óviðeigandi tengingu við frétt

Fyrstur frá borði sökkvandi skips

Það verður seint talist til karlmennsku að áhafnarmeðlimir séu fyrstir til að koma sér í lífbátinn á undan farþegum. Auðvitað er Ögmundur bara að bjarga eigin pólitíska skinni. Hann er staðfastur í orði en ekki á borði. Þess vegna yfirgefur hann skipið fyrstur allra og skilur farþegana eftir. Verst að hann skildi ekki getað dröslað Jóni Bjarnasyni með sér.
mbl.is Ögmundur segir af sér
Tilkynna um óviðeigandi tengingu við frétt

Viðbjóðurinn kraumar enn

Þegar nöfn þessara útrásarböðla ber á góma snýst allt um svik og pretti. Allt vegna sjúklegra þarfa þeirra bræðra til að auðgast persónulega á kostnað annarra. Ekkert mun breytast hér á landi fyrr en menn eins og þeir bræður verða keyrðir í endanlegt þrot og afmáðir úr viðskiptalífinu.
mbl.is Bræðurnir seldu sjálfum sér Lyf og heilsu
Tilkynna um óviðeigandi tengingu við frétt

Heimsbyggðin hlustar þegar Davíð talar

Steingrímur Hermansson var á sínum tíma þekktasta blaðurskjóða stjórnmálanna. En rödd hans náði ekki eyrum alheimsins enda samskiptatæknin lítt þróuð, og olli því litlu tjóni. Ég get í sjálfu sér verið sammála þessari setningu " ég borga ekki skuldir óreiðumanna". Gildir þá einu hvort Númi frændi minn Bíldal hefði sagt það eða einhver annar. En hér talaði seðlabankastjóri sem öll heimsbyggðin hlustar á, og orð hans náðu að sjálfsögðu eyrum íbúa í Downingsstræti 10 með þeim skelfilegum afleiðingum, að við vorum umsvifalaust sett á bekk með Al Qaeda og Norður Kóreu. Stundum er betra að að stilla blaðrinu í hóf þó það innihaldi sannleikskjarna og sér í lagi ef afleiðingarnar verða jafn skelfilegar og raun ber vitni.
mbl.is Guardian fjallar um hrunið á Íslandi
Tilkynna um óviðeigandi tengingu við frétt

Brann í gær

og rannsókn hefst daginn eftir. Hvar værum við stödd núna ef sömu snörpu viðbrögð hefðu verið viðhöfð daginn eftir efnahagshrun þjóðarinnar og brennuvargarnir gómaðir á öðrum degi ?
mbl.is Rannsókn hefst í dag
Tilkynna um óviðeigandi tengingu við frétt

Íslenska FBI

fbi_men.jpgMér hugnast um margt hverning Bandaríkjamenn taka á fjármálaglæpum. Í viðtali Gunnar Andersen, forstjóra FME við vefritið Complinet, segir hann, "að stofnaðar verði sérsveitir að bandarískri fyrirmynd innan stofnunarinnar sem fari í skyndiheimsóknir í íslensk fjármálafyrirtæki sem grunur leikur á að fylgi ekki lögnboðnum reglum". Hér er kominn maður sem er tilbúinn að setja upp járnglófana. Þetta líkar mér Gunnar. Tími silkihanskanna er liðinn. Látum íslensku Mafíuna fara að skjálfa.

Veruleikafirring er ólæknandi

Það er svo sem allt gott og blessað við það að trúa á álfa og hulduverur. Að telja sér trú um að Ísland verður brautryðjandi í atvinnulífi heimsins eftir tíu ár er í besta falli tálsýn eða fáránleg óskhyggja, sem á sér enga stoð í veruleikanum. Mun líklegra er að við verðum í hópi fátækari landa a.m.k. í Evrópu. Brölt í einhverri stjórnskipaðri nefnd breytir ekki dagdraumum í veruleika.
mbl.is Ísland verði eitt af samkeppnishæfustu ríkjum heims
Tilkynna um óviðeigandi tengingu við frétt

Uppvakningur

Þá er Davíð um það bil að tylla sér í ritstjórastólinn. Blaðið verður ómengað málgagn Sjálfstæðisflokksins á ný. Sem áskrifandi að Morgunblaðinu til margra ára hugnast mér lítt að hafa geðstirðan og aldagamlan uppvakning flatmagandi á eldhúsborðinu mínu þegar ég er að fá mér morgunkaffið. Tími notalegra skrjáfsins þegar að dagblaði er flett er liðinn. Kanski maður grípi bara ljóðabók í staðinn til að auðga andann.
mbl.is Uppsagnir hjá Árvakri
Tilkynna um óviðeigandi tengingu við frétt

Engin þörf fyrir sendiráð

lansi.jpgLandspítalinn þarf að að skera niður 2,8 milljarða á næsta ári. Þegar talið berst að utanríkisráðuneytinu þá heyrist sama jarmið og alltaf: "Hlutverk utanríkisþjónustunnar hafi aldrei verið mikilvægara en nú", eins og Urður Gunnarsdóttur, fjölmiðlafulltrúi utanríkisráðuneytisins, kemst að orði. Forstjóri LSH hefði geta sagt nákvæmlega það sama. En málið er að hlutverk sendiráða er að vera dvalarheimili fyrir flokksgæðinga og nána vini þeirra og hefur aldrei haft neinn annan tilgang. Þetta er forgangsröðunin í dag: Út með sjúka og slasaða inn með gæðingana.
mbl.is Sendiráð upp á 1,5 milljarða
Tilkynna um óviðeigandi tengingu við frétt

Orðagjálfur

heilsutengd starfsemi í sjúkrahúsi

heilsutengd ferðaþjónustu

hugmyndafræði heilsuþorps

Hvaða endemis orðasalat er  þetta eiginlega ? 


mbl.is Uppbygging á heilsusjúkrahúsi í Reykjanesbæ
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband