Ragnarök í nánd

Einn af söngvurum grátkórs sægreifa, boðar ragnarök ef hróflað verður við kvótakerfinu. Allt í þessu fína, keyrum málið bara áfram og látum ekki falskan harmagrát trufla þá nauðsynlegu vinnu. Það er nú búið að spá heimsenda í árþúsundir svo fólki syfjar nú orðið við að heyra slíkan boðskap.

Mun setja bankana aftur í þrot

Athugasemdir

[Brjánn Guðjónsson, 8.5.2009 kl. 16:04]

viðkvæðið er; verði ekki allt nákvæmlega eins og mér hentar best, fer allt til andskotans og ömmu hans.

[Finnur Bárðarson, 8.5.2009 kl. 16:06]

Er einhver sem trúir á jarmið í LÍÚ? En ítök þeirra í stjórnkerfinu eru ógnvekjandi og verður að ljúka

[Jón Snæbjörnsson, 8.5.2009 kl. 16:12]

svipað og með lægstu launin - aldrei tímabært að hækka því þá færi allt í bál og brand

[Finnur Bárðarson, 8.5.2009 kl. 16:24]

Rétt Jón, forsendan fyrir því að sumir geti verið stórefnaðir er að það sé til mikill fjöldi manna á sultarlaunum.

[Margrét Sigurðardóttir, 8.5.2009 kl. 16:55]

Mælið þið manna heilastir.

[Jenný Stefanía Jensdóttir, 9.5.2009 kl. 02:16]

Þú ert búinn að vera iðinn í dag Finnur, sem er bara gott og vel.

Verð að deila með þér þessari "kátu" mynd, af Kristjáni Ragnar(raka)syni.

Mér eru nefninlega enn minnistæðar martraðirnar sem maður fékk, þegar hann birtist á skjánum, hálf skælandi, svona fyrir tveimur og hálfum áratug eða svo, og viti menn, daginn eftir féll gengið!

Nokkrum dögum síðar, frétti maður á skotspónum að innvígðir og innmúraðir, hefðu verið svo "birnu"heppnir, að hafa einmitt keypt sér nýjan bíl, rétt fyrir gengisfallið.

Kannski er ég langrækin, veit ekki ........ en ég neitaði að láta þetta rugl yfir mig ganga endalaust .... og m.a. þess vegna flutti ég af foldinni fríðu.

[Finnur Bárðarson, 9.5.2009 kl. 12:30]

og hann skellihlær kallinn Jenný, sennilegar hættur hjá LÍÚ, en leiðinlegt að þú sér komin til Klettafjalla (fyrir okkur sem heima sitjum). En stundum er manni bara ofboðið. Það rennur á mann bloggæði af og til semsem líður hjá :)