Bloggari vill verða forseti

Það ætti að vera öllum ljóst að Ögmundur Jónasson er löngu hættur sem stjórnmálamaður. Hann hefur ekki stigið í pontu á þingi síðan sautjáhundruð og súrkál. Hann bloggar þó nokkuð í miklum umvöndurtón um flest sem aflaga hefur farið eins og bloggara sæmir.

Þegar hann birtist á skjánum talar hann af þvingaðri yfirvegun og tillir fingurgómunum settlega saman, sem er afbrigði af handahnoði Ólafs Ragnars, og færir höndina mjúklega til hægri og vinstri til að vera öllum til hæfis og innleiðir predikun sína með hinni þrautreyndu setningu: "Staðreyndin er að sjálfsögðu sú..." . Að vísu hefur hann ekki enn ávarpað heimsbyggðina um þá staðreynd að Ísland springi í tætlur innan tíðar. En það má bíða fram að næstu túristavertíð. Í mínum huga stefnir Ögmundur bara á eitt, Forsetaembættið. Hann hefur alla taktana og verkfælnina sem til þarf .

Athugasemdir

[Axel Jóhann Hallgrímsson, 13.7.2010 kl. 16:33]

Hver kysi Ögmund, nema þá til að forða því að Gasloftur yrði kjörinn?

[Axel Jóhann Hallgrímsson, 13.7.2010 kl. 16:33]

Eða á maður að segja Eiturloftur?

[Finnur Bárðarson, 13.7.2010 kl. 17:04]

Það væri trúlega eina ástæðan að ég veldi Ögmund. Er ekki Jón Valur líka að spá í þetta ?

[Axel Jóhann Hallgrímsson, 13.7.2010 kl. 17:07]

Þá myndi ég sennilega í fyrsta og eina skiptið segja "Guð hjálpi okkur"!

[Axel Jóhann Hallgrímsson, 13.7.2010 kl. 17:14]

En það er ekkert að óttast, því er ekki sagt að "Guð sjái um sína"? Fyrirbrigðið JVJ getur ekki verið Guði þóknanlegt, ef hann er sá algóði og miskunnsami Guð, sem hann er sagður vera. "No way Hosey".

[Finnur Bárðarson, 13.7.2010 kl. 17:59]

Upp í hugann koma orð eins og falsspámenn. Kanski er þeirra tími kominn.

[hilmar jónsson, 14.7.2010 kl. 00:49]

Er ekki kominn tími á að leggja þetta umdeilda embætti niður ?

[Baldur Hermannsson, 14.7.2010 kl. 01:33]

Þið eruð eitthvað neikvæðir í kvöld, strákar. Ögmundur myndi sóma sér vel á Bessastöðum, vel máli farinn og reffilegur kommúnisti af gamla skólanum. Ég reikna með að kjósa hann.

[Finnur Bárðarson, 14.7.2010 kl. 11:59]

Auðvitað á að leggja ambættið niður Hilmar

[Finnur Bárðarson, 14.7.2010 kl. 12:01]

Baldur: Þú ert þá sammála kenningu minni um framboð Ögmundur ? Ég er alveg pottþéttur á þessu þó ekki væri nema látbragðið og fasið sem ég lýsi hér að ofan.

[Baldur Hermannsson, 14.7.2010 kl. 12:15]

Þetta hljómar giska sennilega þegar þú lýsir þessu eins og þú gerir, en þú ert nú soddan áróðursmeistari að maður verður víst að vara sig á þér!

[hilmar jónsson, 14.7.2010 kl. 13:54]

Lítill fugl hvílslaði að mér að Halldór Ásgrímsson og Össur Skarphéðinsson litu hýru auga til embættisins. Kæmi jafnvel til álita að þeir skiptu því á milli sín...

[Baldur Hermannsson, 14.7.2010 kl. 14:27]

Skiptu því milli sín..........nei, nú verð ég ekki eldri :)

[hilmar jónsson, 14.7.2010 kl. 14:51]

Já viku og viku forseti til skiptis..

[Finnur Bárðarson, 14.7.2010 kl. 15:33]

Verður Finnur Ingólfsson þá skilinn útundan ?

[Baldur Hermannsson, 14.7.2010 kl. 22:51]

Þetta er nú orðin einskonar Martröð í Álmstræti. Og hvað á svo að verða um Dorrit, spyr ég nú bara?

[Finnur Bárðarson, 15.7.2010 kl. 11:59]

Snilldar samlýking Baldur: Ætli hún skipti ekki um forseta, taki t.d. Hallldór.......

[Baldur Hermannsson, 15.7.2010 kl. 12:12]

Sú sem á völina á kvölina.......BWAHAHAHAHAHAHA